...en ég vil ekki borða fiskinn

Montsíðan

2007-07-24T15:25:00.001Z

Þá er ég búin að klóra mig í gegnum það að búa til eitt stykki montsíðu fyrir dömuna okkar. Slóðin er www.arnarsbarn.barnaland.is Veit ekki hversu dugleg ég á eftir að vera að uppfæra hér, verð örugglega mest í montinu ;) Takk enn og aftur fyrir allar fallegu kveðjurnar :) Kolbrún

Litla snúllan :)

2007-07-23T19:59:00.000Z

* T A K K *

2007-07-22T17:17:00.000Z

VÁ :) takk þið öll fyrir góðar kveðjur! Lífið er skoooo yndislegt núna og prinsessan ennþá meira yndisleg. Hún kom semsagt í heiminn 17. júli s.l. og var 16 merkur og 53 cm. Fæðingin gekk bara vel og amma Lóa tók á móti. Litlan fæddist með þennan kolsvarta fína lubba og líkist báðum foreldrum sínum, þó kannski Arnari aðeins meira.....(erfitt að viðurkenna) Við fjölskyldan vorum bara að lenda í árbænum og ég er ekki komin svo langt að vera búin að búa til neina barnasíðu, læt bara vita með það seinna. Litlan fékk smá gulu á 2.degi og því ílengdumst við á sjúkrahúsinu. Það er sko ekki hægt að kvarta undan vistinni þar, enda frábært starfsfólk á skaganum og sérstaklega dekrað við okkur af Ömmu Lóu! Læt þetta duga í bili, litlan farin að kalla á mat!

Allt í rólegheitunum

2007-07-11T09:36:00.000Z

...eins leiðinlegt og það hljómar ;) Þið eruð öll svaka dugleg að tjékka á mér og jafnvel að sumir séu svolítið tens á því...hræddir um að ég sé búin að eiga en hafi bara gleymt að láta vita! Nó vörrís...þið verðið látin vita gullin mín ;) Nú eru 2 dagar í settan dag, og ég var svona að vona að ég þyrfti ekki að ganga fram yfir, þar sem allt virtist vera farið í gang í mæðraskoðun snemma í síðustu viku. En það er víst ekkert hægt að segja til um neitt. Arnar er orðinn alveg jafn óþolinmóður og ég. Við erum búin að vera mjööög dugleg í göngutúrum undanfarið. Ég var dregin Elliðárhringinn í gær og var við það að decompressast á miðri leið. Svo var ég send aftur út í gærkvöldi ;) Svo er ég búin að drekka sólberjasafa í tonnatali og ég veit ekki hvað og hvað...þetta fer að nálgast heraga, allt er reynt ;) Svo er ég reyndar viss um að allt þetta strit skilar ákkúrat engu, en það er nú annað mál :) Þangað til næst...

strauja

2007-07-06T22:44:00.000Z

Ég eignaðist mitt fyrsta straujárn í fyrradag! ótrúlegt tryllitæki sem spúar gufu í gríð og erg. . . . .

notaði tryllitækið í fyrsta skipti áðan. . . . . . . Ætlaði semsagt að strauja hvítu blúnduna sem fer á vögguna....gera vögguna svona ægilega fína!

. . . . En hún er ekkert fín. Blúndan er bara krumpaðri en hún var áður en ég hófst handa við herlegheitin!!!

HVERNIG Á ÞETTA AÐ VERA HÆGT!

.....Pæling! Ef maður kann ekki einu sinni að strauja, kann maður þá að sinna ungabarni?

Takk allir fyrir góð útúngunarráð og góðar kveðjur :) Ég hef ekki á tilfinningunni að þetta barn ætli að láta að sjá sig á næstunni. Í dag er ég 39 vikur, þannig að ég má svosem ekki fara að kvarta strax. Ef barnið líkist pabba sínum eitthvað þá kann það ekki að flýta sér og hefur ekkert tímaskyn og þá er ekki hægt að ætlast til að það mæti fyrr en í fyrsta lagi 13.júli ;)

Þangað til næst.....Kolbrún kasólétta

biðin

2007-07-01T13:30:00.000Z

er officialy hafin. Ég er hætt í verknámi og búin að eyða undanförnum dögum í alls konar þægilegheit og dundur. Reyndar líka búin að hanga aðeins niðrí bæ og fá mér freknur. Var í steikinni með Heiðrúnu á miðvikudaginn og við hittum eiginlega bara nýbakaðar mæður eða kasólettar stelpur. Ég hélt þetta væri bara ég sem tæki svona svakalega eftir þessu, en Heiðrún var sjálf í sjokki og var á tímabili búin að troða töskunni inn á sig til að vera með í stuðinu ;) Hvað var eiginlega í vatninu þarna í haust???? Mér finnst svakalega óraunverulegt að ég við Arnar séum alveg að verða foreldrar, þrátt fyrir að hafa haft nokkra mánuði til að venjast tilhugsuninni. Þessir 9 mánuðir mættu ekkert vera færri! Það er allt tilbúið því sem næst. Við erum reyndar enn ekki búin að setja ofan í þessa blessuðu tösku sem allir eru að tala um. Ég hef enga trú á því að þetta eigi eftir að gerast hratt, mín heppni er að þessi fæðing taki hátt í 3 daga. En ég vona auðvitað að ljósmóðirin móðir mín hafi einhver töfraráð uppi í erminni ef það stefnir í það:) Ég ætla semsagt að eiga upp á Akranesi og Mamma ætlar að taka á móti. Okkur fannst ekkert annað koma til greina og ég er mjög ánægð að hafa þessa upplýsingaveitu til staðar. Ég er komin með alveg nóg af því að vera ólétt þrátt fyrir að þessi meðganga verði að teljast ansi þægileg. Ég hef sloppið við nánast alla kvilla og líður bara stórvel þessa dagana, sérstaklega eftir að ég hætti í verknámi og fór að hvíla mig meira. Samt sem áður er ég komin með nóg og er farin að skipuleggja ýmsar aðferðir til að koma barninu fyrr út :) Stigahlaup eru því næst á dagskránni hér í Hraunbænum.

Öll ráð vel þegin, hehe ;)

Hvalurinn 38 vikur og 2 dagar

Til Hamingju . . .

2007-06-18T09:03:00.000Z

Arnar minn með 24 ára afmælið í dag! Vona að þú veiðir stóra fiskinn í dag :) Líka til hamingju Hrönn með 17 ára afmælið og bílprófið í gær, já og svo fyrirfram til Gunnu sem á 26 ára afmæli á morgun á sjálfan kvenréttindadaginn! Til hamingju þið sem eruð í sumarfríi ;) update á lífinu....Ég kláraði mest viðurstyggilegustu próftíð á ævinni þann 31.maí og var við það að crépera á lífinu. Þetta tókst allt saman og gekk meira segja bara stófínt. Ég er svo núna byrjuð á 5.ári og er í verknámi á geðdeild. Það er mjög svo spennandi og öðruvísi, líka mjög rólegt og næs ;) Við erum flutt í Árbæinn (myndir koma seinna) og allt að verða komið upp úr kössum. Allir velkomnir í heimsókn eins og alltaf - kannski samt best að hringja á undan sér :) Ég er við það að springa þessa dagana og skil ekki að það sé hægt að verða meira ólétt. Enda komin á 37. viku svo það fer að styttast í stóra daginn. Gleðilegt sumar með rigningu og roki Kolla Bolla

Hægur Dauðdagi

2007-05-29T21:12:00.000Z

Það er hreint og beint verið að drepa mig með þessum prófum. Hægt og bítandi merja úr mér þróttinn, metnaðinn, eibeitinguna, lífskraftinn og gleðina. Er svo yfirgengilega þreytt að það er komið í marga hringi. Hversu langdregin getur ein próftíð verið? Ég spyr! Ég er komin á algert kæruleysis stig þar sem ég bíð bara eftir að þetta verði búið. Næstum sama hvernig prófið fer. Er auðvitað ekki sama, legg ekki í það að lesa þetta efni aftur. Held ég mæti samt bara með BBQ sósuna með mér í prófið - skurðlæknaguttarnir eiga eflaust eftir að nota hana óspart á mig! Svo er pæling að feika hríðir inn í miðju pófi ef illa gengur, eða segjast hafa misst vatnið.... Farin að læra.....eða reyna það a.m.k.

Klapp

2007-05-21T14:11:00.000Z

Klöppum fyrir því að við erum búin að fá afhenta íbúðina.....
klöppum fyrir því að það er ótrúlega mikið eftir að gera þangað til við getum flutt inn.....
klöppum fyrir því að ég get ekkert hjálpað Arnari því ég er enn í þessum drullupiss prófum....
klöppum fyrir manninum sem ákvað að láta snjóa , því þá er ekki eins ótrúlega erfitt að sitja inni og læra.....
klöppum fyrir því að það eru bara 10 dagar eftir af drullupissinu.....
klöppum fyrir því að ég hef ekki hitt flesta vini mína í marga mánuði....
1000 klöpp til Rúnars og Unnar sem eignuðust íðilfagra stúlku í síðustu viku :) Til hamingju þið!!!

Vika 32

2007-05-19T11:17:00.000Z

"Lungun þín eru að styrkjast en þrátt fyrir það getur þú fundið fyrir mæði vegna þrýstingsins á brjóstkassann frá kviðarholinu. Mörgum konum finnst nú nóg komið af meðgöngunni og eru orðnar leiðar á að vera svona stórar, passa ekki í nein föt og ekki bætir svefnleysið úr leiðanum. Það er ekki svo langt eftir en barnið á eftir að taka út mikilvægan þroska. Lungu barnsins eru líka að styrkjast en þau eru ekki tilbúin ennþá. Nú er fituforði barnsins orðin meiri þó að það sé grannt ennþá. Barnið er þakið fósturfitu. Ef það kæmi í heiminn í núna gæti það opnað augun en gæti þó ekki séð í fókus. Barnið vegur nú um 1,7 kíló og lengd frá höfði að rófubeini er um 28 sm."

Já maður stækkar. Ég er samt ekki að háma í mig köku eins og þessi baby-tigger húmoristi vill meina hér að ofan. Ég háma hins vegar í mig allt annað :D

Arnar er á fullu þessa dagana að pakka niður því við eigum að fá íbúðina núna um helgina.

12 dagar í próflok....allir lærdómsstraumar vel þegnir - þið Byllifytturnar hafið ekkert með þá að gera lengur ;)

Væl

2007-05-15T13:21:00.000Z

Allir hinir eru búnir í prófum :(

En við sitjum bara og lærum..... Hér má sjá Söndru lesfélaga flippa af gleði með gulræturnar sínar...ótrúlega sátt með að þurfa að húka inn í þessu herbergi með mér allt fram til 31.maí

Gleði.is

1/3

2007-05-14T10:41:00.000Z

Þá er fyrsta prófið búið og 2 próf eftir. Rosalegt spennufall á föstudaginn eftir prófið, og eiginlega líka á lau...já og sun. Þannig að í dag er ég að komast aftur í gang.

Ég er svekkt yfir úrslitum kosninga....finnst fáranlegt ef fer sem horfir að framsóknarflokkurinn sitji áfram í ríkisstjórn með þetta fylgi. Hversu tækifærissinnaðir og óheiðarlegir geta þessir framsóknarmenn verið. Með alls konar yfirlýsingar á kosninganótt um að þeir færu ekki í ríkisstjórn með þetta fylgi á bak við sig...svo koma endanlegar niðurstöður kosnina og þeir eru með þetta ömurlega fylgi, no more no less..og þeir ætla bara samt í ríkisstjórn. Sjálfstæðismenn sjá sér auðvitað leik á borði - geta haldið áfram að vaða yfir framsókn, og fá nuna enn fleiri ráðherra stóla en áður því allir ráðherrar framsóknar duttu út.

Stjórnmál á Íslandi eru algjört djók. Segi ekki meir.

5 dagar í afhendingu íbúðarinnar, 17 dagar í frelsið, og 60 dagar í barnið! Ég tel niður...

:)

2007-05-07T20:58:00.000Z

Allir sem þetta lesa vita að ég er fáranlega fyndin manneskja og reiti af mér brandara í tíma og ótíma. Ég er semsagt með mjöööög góðan húmor og allir hlægja alltaf svakalega mikið þegar ég segi brandara!!! Muniði eftir þessum? Mér fannst þeir alltaf sjúklega fyndnir :D

Allir krakkarnir horfðu á örbylgjuofninn nema Binni... ...hann var þar inni...

Allir krakkarnir horfðu á kirkjuna brenna nema Hermann... ...það var verið að ferm'ann...

Allir krakkarnir voru með gel í hárinu nema Hrund... ...hún var með brund...

Allir strákarnir sváfu vel í tjaldinu fyrir utan Skúla... ...hann var notaður sem súla...

Allir strákarnir voru með á körfuboltamyndinni nema Bergur... ...hann var dvergur...

Allir krakkarnir komu uppúr sundlauginni nema Þráinn... ...hann var dáinn...

Allar stelpurnar vorum með brjóst nema Lena... ...hún var með spena...

Allir krakkarnir fóru uppúr sjónum þegar hákarlinn kom nema Linda... ...hún var ennþá að synda...

Allar stelpurnar notuðu víbrador nema Eir... ...hún notaði leir...

Allir strákarnir áttu kærustur nema Stjáni... ...hann fékk þær í láni...

Allir krakkarnir voru hreinir nema Dóra... ...hún var hóra...

Allir krakkarnir voru að leika sér með ostaskerann fyrir utan Eið... ...hann kom út sneið fyrir sneið...

þá er kominn Maí

2007-05-04T19:05:00.000Z

Mér finnst ótrúlegt að ég sé kominn 30 vikur á leið. Það er svo miklu meira en 29 vikur! Svo stutt eftir, en samt svo langt. Svo eru prófin rétt handan við hornið. Þessi stóru, stóru próf sem ég er búin að kvíða síðan á 2.ári. Það þýðir að ég mun ekki vera við, fyrr en 1.júní. Verð að beita mér af lífi og sál ef ég á að ná að lesa helsta efnið yfir - og tala nú ekki um að MUNA það allt til að standa ekki á gati í munnlegu prófi. En ég má þakka fyrir að það er fjölbreytni í prófum í ár. Byrjar með prófi næsta fös 11.mai sem er bland af munnlegu og verklegu. Svo kemur risastóra Medicine prófið 24.maí sem er skriflegt. Svo endar þetta á munnlegu prófi úr handlæknisfræði þann 31.maí. Ef ég verð ekki farin yfir um - þá hlakka ég til að hitta ykkur þann 1.júní. Og ef ég blogga mikið í mái þá vitið þið að mér gengur illa að einbeita mér og það boðar ekki gott.....ef ég blogga ekkert þá gæti verið að ég hafi fengið taugaáfall af stressi eða þá að eg hafi vaxið svo hratt að ég hafi sprungið. Wish me luck !!!!!

Hugarangur

2007-04-29T15:20:00.000Z

Mér líður eins og 15 ára gelgju í dag. Ég er GJÖRSAMLEGA að obsessa yfir atviki sem átti sér stað í gærkvöldi. Reyndar átti það sér ekki stað í gærkvöldi, heldur fyrir nokkrum mánuðum, og í rauninni átti það sér aldrei stað í raunveruleikanum, heldur í upptökuveri í Bandaríkjunum.

Hvernig í ósköpunum þessi sjónvarpsáttur getur haft svona mikil áhrif á mig, get ég ekki að fullu skilið. En í hverri viku býð ég í ofvæni eftir að föstudagurinn renni upp til að ég geti downlodað nýjasta þætti seríunnar. Halló -ég að downloda og ég að vera upptekin að sjónvarpsþætti....þetta getur ekki verið sama gamla ég!

Í gærkvöldi tók ég mér frí frá lestri til að horfa á þennan þátt. Og þátturinn endaði svo illa að ég gat ekki hætt að hugsa um það eftir að ég lagðist á koddann. Og enn í dag, þegar ég er að reyna eins og ég mögulega get, að einbeita mér að sjúkdómum í meltingarfærum, þá skýst þessi hugsun eins og elding inn í hugann.......Dr. McDreamy, HVAÐ VARSTU AÐ PÆLA???

Ég er EKKERT

2007-04-26T22:00:00.000Z

Miðað við hann þennan....

Og hann er ekki einu sinni með barn þarna inni!

28 vikna Pæling?

2007-04-20T23:50:00.000Z

Ætli ófædd börn geti sýnt mikil karakter einkenni. Eins og t.d. ákveðni og festu? Það er alveg á hreinu að barnið sem ég ber undir belti er með "sitt" svæði á hreinu og leyfir engum eða engu að minnka það svæði á neinn hátt.

Það byrjar styrjöld innan í mér ef ég voga mér að krossleggja hendur og láta þær hvíla á bumbunni, þó ekki sé nema í nokkrar sekúndur!

Spörkin eru einnig látin dynja ef mér dettur í hug að halla mér fram í sitjandi stöðu og mér líður því alltaf eins og ég sé í stríði við hana/hann þegar ég reima skóna mína.

guð hjálpi mér ef ég leyfi borðbrúninni á skirfborðinu að snerta bumbuna - þá fær skrifborðsbrúnin meira að segja að kenna á því!

Læt hér fylgja með eina mynd af hvalnum sístækkandi ;) Góða helgi þið!

(Heiðrún 28 vikur er svona 6 og 1/2 mánuður)

Já!

2007-04-16T18:32:00.000Z

Það var einu sinni ólétt stelpa sem stækkaði svo hratt að hún sprakk! Það var einu sinni stelpa sem las svo mikið að hún dó !

Gangavörðurinn

2007-04-14T16:28:00.000Z

Af hverju í ósköpunum kann fullorðið fólk ekki að labba hljóðlega um. Hversu fáranlega erfitt getur það verið að sleppa því að skella hurð á eftir sér þegar maður er á LESSTOFU. Og hvað fær fólk til að vera í pinnahælum á lesstofunni - og með blöðrubólgu í þokkabót þannig að það þarf að labba fram og aftur króniskt og skella hurðinni á eftir ser í hvert skipti...

Friðrik kallar mig bara "bitra gangavörðinn" og segir þetta vera óléttunni að kenna. Ég er klárlega ekki sammála - nema að sjálfsögðu ég sjái að mér einhverntímann seinna - þá mun ég kenna hinu illræmdu hormónum um. Núna er ég bara pirruð og fer að taka fram vúdu dúkkur ef fólk fer ekki að labba hljóðlega um.....muahahahahahaha óþolandi fólk er óþolandi

stiklur

2007-04-09T12:46:00.000Z

Mér finnst að annar í páskum eigi að heita síðasti i páskum. Algjört rangnefni að hann sé bara nr 2 - þar sem hann er síðasta frídagur páskanna. Þetta páska"frí" er búið að einkennast af þreytu og samviskubiti. Þetta margfræga samviskubit "afhverjuertuekkiaðlæraKolbrún" búið að naga á mér öxlina eins og ég veit ekki hvað.

Finnst leiðinlegt að hafa ekkert komist Norður eins og undanfarna páska, það er eh svo notalegt og partur af vorstemmingunni að fara þangað

...Þessir voru þó hressir, að vanda!

Fannst páskaeggið í ár ekki gott, enda nammið inn í því bara það sem selst ekki út í búð

Fattaði að ég er komin í 3. trimester og fékk algjört sjokk OG KALDSVITANÐI þegar ég sá á niðurtalningunni á síðunni hér að ofan að það eru minna en 100 dagar í fæðingu og hlutverkið "MAMMA"

Ofan á þetta allt er ég búin að vera með ömurlegt kvef og þurft að snýta mér á ca mínútu fresti

spark

2007-03-30T15:43:00.000Z

Ég elska að barnið mitt sé loksins farið að hreyfa sig af einherju viti og ég loksins farin að finna fullt af hreyfingum....enda 25 vikur í dag. Ég var i mæðraskoðun og allt leit vel út, áhuggjur mínar um 20 kg í plús voru óþarfar og greinilegt að vigtin hér heima er á eiturlyfjum. Blóðþrýstingurinn var fínn, engin prótein í þvagi og þyngdaraukningin vel innan meðaltaskúrvunnar :)

Klöppum fyrir konunni sem sem var ekki búin að þyngjast um 13 kg!

Arnar fann í fyrsta sinn í gær spark! hann brosti breitt ;)

RAFVENDING

2007-03-26T22:03:00.000Z

Ég fékk að rafvenda í fyrsta sinn í dag..... *Þið vitið - svona stuða fólk eins og í ER !! * Ég var ótrúlega spennt og það var í raun bara eitt sem ég þurfti að muna...að segja "ALL CLEAR" ... eða "ALLIR FRÁ"

....en ég gleymdi því!

eins gott að allir voru fljótari að hugsa en ég og voru farnir frá þegar ég gaf stuðið :) En sjúkl fór í réttan takt og það er nú aðalmálið :D

Blind? kind?

2007-03-18T11:15:00.000Z

Varð fyrir vonbrigðum með glöggsemi ykkar á að sjá tær á sónarmynd - hélt ég væri að sýna ykkur eitthvað sem væri alveg borðleggjandi....ég verð greinilega að fara að þjálfa ykkur betur!

Lubba kom í heimsókn í gær ásamt foreldrum sínum. Henni fannst ótrúlega gaman hjá mér og lýsti yfir ánægju sinni með hýbíli mín með því að gráta smá og sofa meira. Aðrir hafa ekki látið sjá sig í heimsókn undanfarna daga, en okkur verið boðið þeim mun oftar í matarboð og við erum farin að halda bókhald um hversu mörgum við skuldum matarboð - það verður nóg að gera í þeim efnum þegar við flytjum í nýju íbúðina.

Árshátið læknanema var haldin um síðustu helgi á Hótel Sögu. Það var hressandi. Samt ótrúlega skrítið að vera alveg edrú og fylgjast með liðinu verða meira og meira hávær, frjálsleg og rugluð, smátt og smátt dróst maður aftur úr atinu og mér fannst ótrúlega skemmtilegt að fylgjast með vinum mínum. Komst að því að þeir eru mjög fyndnir á fylleríi - það hefur ekki bara verið ég í óstöðvandi krampahláturskasti vegna ölvunar. Nei þau eru líka fyndin þegar ég er edrú - til hamingju með það þið!

Að lokum...parið komið heim...í mismunandi ásigkomulagi og frúin með nýju klippinguna :)

Þann 13.júlí :)

2007-03-08T21:00:00.000Z

...eða þar um bil munu þessar tásur koma í heiminn! Og jú, til að vera skotheld fyrir kaldhæðnislegum athugasemdum ykkar, þá mun restin af líkama barnsins líka koma í heiminn! Dagarnir fljúga áfram, hvað er það. Þetta virðist alltaf vera svona í byrjun árs. Janúar og Febrúar eru svo dimmir og drungalegir að maður vonar að þeir klárist fljótt, svo allt í einu er komin mars og maður skilur ekkert í neinu....hvað er ég búin að afrekar á þessum tíma, tja annað en að stækka á neðanverðum kvið! Ég er loksins byrjuð i meðgöngujoga og það er yndislegt. Aðeins meira kúrt og slappað af heldur en ég átti von á, en miðað við stunurnar i þeim sem lengra eru komnar þá held ég að maður verði fegin í júní að komast í slökununar part tímans :)

uppfærsla á ástandinu 20 = hálfnuð

2007-02-24T13:32:00.001Z

Já það er greinilegt að vinir mínir skilja ekki ánauðina sem ég er í vegna þessa röntgen prófs. Tóta og Heiðrún fá samt prik - þær buðu mér í burtu frá þessum dauða :)

Vika 20 : Fóstrið mælist nú 16 sm og vegur tæplega 300 gr. Nú er góður tími til að fara í sónar. Þá er meðgöngulengdin metin, fylgjan er staðsett, legvatnsmagnið er metið og hugsanlegir fósturgallar greindir. Nú er fóstrið orðið það stórt að auðveldara er að skoða einstök líffæri og líffærakerfi Meðgöngulengd er reiknuð út frá stærð höfuðsins og lengd lærleggjarinsFjölburaþunganir greinast ef ekki hefur verið ómskoðað áður. Staðsetning fylgju er skoðuð Hingað til hefur lifur og milta fóstursins framleitt blóðfrumur. Nú tekur beinmergurinn til starfa og smátt og smátt yfirtekur hann alveg þetta hlutverk. Lifrin hættir framleiðslu blóðfruma nokkrum vikum fyrir fæðingu og miltað hættir framleiðslu í kringum 30. viku meðgöngunnar. Í lok þessarar viku er meðgangan u.þ.b. hálfnuð

Killing me softly

2007-02-22T19:34:00.000Z

Texti gamla hittarans á vel við núna, ég er hægt og bítandi að andast úr leiðindum yfir lestri í röntgen fræðum! Frekar bið ég nú bara um vigrastærðfræðina 323 sem ætlaði að koma mér í gröfina hér um árið.

Ég sem hélt að inflúenzupestin myndi draga mig til dauða í síðustu viku - nei hún var ekkert miðað við þetta!!!

Fyndið samt hvað maður er mikill aumingju í veikindum. Ég var með hósta, nefstíflu og hita og mér fannst ég eiga mest bágt i öllum heiminum, og svo er ég á bráðamóttöku á vöktunum og vorkenni varla fólkinu sem kemur inn með samfallsbrot, brjóstverk eða gallsteinaverk.....og ef einhver af þessum sjúklingm sem ég tek á móti myndi kvarta við mig yfir smá flensu, þá myndi ég stimpla þá sem aumingja og segja þeim að þetta gangi yfir á nokkrum dögum.....Hvenær breyttist ég í kaldrifjaða norn??? Ég hefði farið að grenja ef Arnar hefði sagt þetta við mig i síðustu viku :D Bottom line: Þeir sem vilja bjarga mér frá röntgen lestri eru mínar mestu hetjur í dag...HVER VILL? Ég er tildæmis mjög mikið til í ýmiskonar ísbíltúra og hangs :D Kolla Hvalur

Nælon

2007-02-18T17:12:00.000Z

Þegar ég loggaði mig inn á Myspace áðan sá ég stóra auglýsingu á forsíðunni. Það var verið að auglýsa hljómsveit sem kallar sig NYLON. Þarna var þó ekki á ferðinni hin alíslenska stúlknapopphljomsveit heldur einhver önnur sem er bresk!!!

Eru Nylon stúlkurnar orðnar svona heitar í Uk að hljomsveitir eru farnar að apa eftir nafninu :D Neee ætli það

Ég sýni bumbuna og þið bara púið

2007-02-12T20:51:00.000Z

Hef fengið ansi meinfýsnar athugasemdir um bumbuna títtnefndu síðusut daga. Ég hef tekið því misvel og kenni þá hormónum að sjálfsögðu um ef ég hef tekið því verr en ástæða þykir til. Sumir hafa leitt að því líkum að ég sé einungis búin að borða yfir mig af nammi (eða réttara sagt að Arnar sé með mig í ofholdgun), aðrir hafa bent á að bumban líkist helst bjórvömb...það verður fróðlegt að sjá hvort út úr bumbunni komi nammiklessa eður Bjórgusa!

Nektarsýkingum á þessar síðu mun því ljúka hér með, hehe. Feitubollu myndir verða á http://public.fotki.com/kgogag . Síðan er læst og þið getið sent mér póst ef þið treysið ykkur til að berja herlegheitin augum ;) (kolbrung@hi.is)

Annars er fátt að frétta úr mínu lífi. Ég hef náð toppnum og botninum í námsárangri síðustu vikurnar. Í dag er það helsta að ég náði að lesa heilar 2 bls af glósum frá því klukkan 13:30 - 21:00 , geri aðrir verr!

Kolbrún hvalur ;)

18 vikur

2007-02-09T13:58:00.000Z

Vika 18

"Ef þetta er frumburður þinn gætirð þú orðið vör við fósturhreyfingar en þær geta líkað verið nokkrum vikum seinna á ferðinni. Fóstrið hreyfir sig líklega mest þegar þú hvílist. Það getur verið gott að nota kodda til stuðnings við kúluna þegar þú sefur eða liggur fyrir.

Sumir telja að nú geti fóstrið sýnt ýmis konar svipbrigði og það hreyfir sig mikið. Dúnmjúk fósturhár þekja nú allan líkamann. Blóðkorn eru byrjuð að myndast í beinmerg og bragðlaukar eru að myndast. Fóstrið vegur nú um 200 grömm og lengd frá höfði að rófubeini er um 14 sm"

Hið undarlegasta mál

2007-02-08T15:33:00.000Z

Þið eruð búin að sjá myndirnar úr íbúðinni eins og ég...og ef þið skoðið myndina sem er tekin inn í eldhús þá sjáið þið 2 glugga ekki satt? Við munum ekki alveg hvernig þetta var, Arnar vill meina að það hafi bara verið einn gluggi, en ég vill meina að þeir hafi verið tveir. Mér finnst myndin standa með mínu máli. Svo tókum við smá rúnt upp í Hraunbæ áðan og ég ætlaði að sanna fyrir Arnari að ég hefði rétt fyrir mér - ég elska að hafa rétt fyrir mér :D En viti menn þá er þetta ekki endablokk heldur er önnur blokk hliðin á og ef það er gluggi þar sem rauði hringurinn er - þá snýr hann inn í svefnherbergi nágrannanna!!!! Ég skil ekki hvernig þessi mynd getur platað mig svona...og hvernig minnið getur líka platað mig svona! Kannski er þetta eitthvað yfirnáttúrulegt...

VEI :)

2007-02-01T18:57:00.000Z

Við skrifuðum undir * K * A * U * P * S * A * M * N * I * N * G * í gær. Ótrúlega gaman og ótrúlega stressandi.

Líklega flytjum við samt ekki inn fyrr en í sumar - en þá hef ég líka góða afsökun fyrir að bera ekki EINN einasta kassa *djók*

Nokkrar myndir úr íbúðinni;

grenj

2007-01-30T22:20:00.000Z

EIGUM VIÐ EITTHVAÐ AÐ RÆÐA HVAÐ ÉG VAR SVEKKT EFTIR LEIKINN :( Ég hef aldrei á ævinni verið jafn spennt yfir einum leik og sjaldan verið jafn hás. Greyið Torfi var í heimsókn hjá okkur og var örugglega skíthræddur....og arnar var alltaf að reyna að róa mig því hann hefur svo miklar áhyggjur af krílinu ;)

Ég var allavega við það að missa legvatnið af spenningi og ég sá rautt þegar Alexander Petterson skoraði ekki á lokasekúndunum.

Sem betur fór varð kvöldið aðeins skárra þegar ég kíkti á tölvupóstinn minn og sá að það var komin einkunn úr well-done grill prófinu síðan á fös...sem var bæ ðe vei mest stressandi próf sem ég hef farið í. Munnlegt verklegt próf í handlæknisfræði sem byggðist upp af 5 prófstöðvum, skipt eftir sérgreinum. Inni á hverri stöð voru 2 sérfræðingar úr mism sérgrein - annar prófdómari sem sat og horfi á mann sposkur á svip og skrifaði allt niður a blað. Hinn sérfræðingurinn var með grillteinana. Þetta gekk samt bara furðu vel og ég er hæst ánægð með einkunnina :)

Undskyld

2007-01-19T21:59:00.000Z

Ég bara datt alveg úr æsifréttamennsku gírnum og er ekki búin að standa mig í uppfærslum. Við fengum semsagt samþykkt kauptilboð á mánudaginn og öll vikan er búin að fara í reddingar hvað það varðar. Við erum bæði búin að komast að því að við kunnum óskaplega lítið - eða eiginlega bara ekki neitt um viðskipti og svona pappírsvinnu dót - hver nennir eiginlega að vinna við þetta? Allavega greinilega ekki íbúðarlánasjóður því þar er bara ætlast til að maður geri þetta sjálfur á netinu og það er fáranlega þunglamalegt kerfi fyrir þann sem lítið kann. Ég held samt við höfum náð að klóra okkur út úr þessu fyrir rest ;) Skólinn er búin að taka gríðarlega tíma í þessari viku hjá mér. Ég er búin með fyrr vikuna mína á slysó og þar verðum við að taka 2 vaktir á viku í stað einnar. Þar sem verklega prófið er á næsta föstudag ákvað ég að taka 3 vaktir í þessari viku til að hafa meiri tíma til lesturs í þeirri næstu. Ég var því á slysadeildinni frá kl 8 - 23 bæði þri og mið og í gær fim var ég á slysó fyrripart og svo á Neyðarbílsvakt frá 15-22. Ég get aldrei náð að tjá mig um hversu fáranlega þreytt ég var í gærkvöldi og í morgun :) En ég hef endurheimt orkuna eftir að hafa farið á LÆKNADAGA í dag og fengið fullt af gjöfum, nammi, snittum og drykkjum frá sjúklega ríkum lyfjafyrirtækjum! Mér leið eins og ég væri að safna áTombólu....og mér leið líka eins og ég væri á þeim aldri sem safnar á tombólu ;) Góða helgi

takk :)

2007-01-12T23:36:00.000Z

...fyrir allar kveðjurnar. Gaman hvað allir eru glaðir með! Gleðin á þessum bænum yfir því að við....

séum að verða Pabbi og Mamma er ólýsanlega mikil. Við hlökkum svakalega til í júli!

Þetta ár 2007 virðist vera árið til að fjölga sér, ég veit næstum um endalaust margar óléttur. Sum börnin eru meira að segja fædd, Tinna og Bjarni eignuðust flottan strák 3.jan. Svo er mjög stutt í Helgu mína, hún á um 4 vikur eftir, svo eru 2 vinir mínir að verða pabbar, annar í feb og hinn í maí, og svo erum Ingveldur og ég mjög samstilltar í þessu og erum skráðar í sömu vikunni í júlí ;) og fleiri og fleiri ...ekki það að ég sé eitthvað obsessed af þessu óléttu ástandi...neineinei ;)

Ég hef reyndar haft nóg annað að hugsa um í vikunni. Fröken fljótfærin, Kolbrún Gunnarsdóttir ákvað að nenna ekki að búa í 48 fm þegar barnið er fætt og því hófst íbúðaleit á fullu. Arnar greyið var alveg að fá upp í kok því ég var alltaf að koma með nýjar og nýjar íbúðir handa honum og hann var farinn að rugla þeim öllum saman. En svo allt í einu á miðvd sáum við íbúð sem okkur leist báðum svakalega vel á. Fórum og skoðuðum í gær, gerðum kauptilboð í dag og krossum nú fingur og bíðum eftir svari sem er að vænta fyrir kl 10 á mánudagsmorgun :) Góða helgi allir saman

6 til 7

2007-01-04T19:25:00.000Z

Gleðilegt nýtt ár og takk fyrir gamla árið. Alveg kominn tími á að eitthvað nýrra en afmælismyndir birtist hér á þessari síðu. Jólin afstaðin með eðlilegu ofáti og ólifnaði. Leti, lestur, gláp, ofát og ofdrykkja á jólaöli - bara klassísk jól. Reyndar hélt ég jólin á glænýjum stað, þ.e.a.s. í Fnjóskadal og fannst það bara stórfínt. Við brunuðum svo suður 27. og vorum hjá mínum foreldrum yfir áramót. Árið 2006 fannst mér einkennast af skemmtilegum breytingum hjá mér og mínum. Búferlaflutningar milli landa og bæjarhluta, nokkrir að kaupa íbúð, barneignir og óléttufréttir voru líka áberandi. Það er bara eitthvað við 25 ára aldurinn....eða þá að þetta barna dæmi sé bráðsmitandi!!! Það sem ég hyggst gera uppbyggilegt á árinu 2007:

hætta að stríða rauðhærðu fólki
ég ætla að vera ótrúlega samviskusöm og stunda lestur af áhuga og innlifun
2007 verður árið sem ég segi loksins upp kortinu í Baðhúsinu
ég ætla að vera ótrúlega dugleg að spara pening og kaupa mér ótrúlega nytsamlega og sniðuga hluti þegar ég verð orðin milljónamæringur...eins og t.d. bíl
ég ætla að safna hári
ég ætla að hætta að bora í nefið
ég ætla að byrja í jóga
ég ætla að ganga á amk 1 fjall
ég ætla í fabjulus utanlandsferð með ótrúlega sniðugu fólki
ég ætla að klára 4.árið
ég ætla að fæða barn í þennan heim, í júlí nánar tiltekið ;)

Ég lofa engu með dugnað í bloggskrifum á nýju ári, það kemur bara í ljós. Ætla að kreista síðustu dropana út úr þessu jólafríi áður en ég hef lesturinn. Hann er víst það sem koma skal...

Nokkrar afmælismyndir...koma seint en koma þó

2006-12-01T16:14:00.000Z

Eeeennn....

2006-11-23T21:38:00.000Z

Muniði eftir myndinni "The Truman show" ? Þar sem Jim Carrey lék mann sem lifði frekar látlausu en hamingjusömu lífi. En var í raun leikari í risastórum raunveruleikaþætti án þess að vita það. Löngu áður en ég sá þessa mynd hafði mér dottið í hug að svona væri farið fyrir mér. Að ég væri ég en allir í kringum mig leikendur í leikritinu "mitt líf". Mér er alveg sama hvað þið kallað þetta en þetta voru bara hugsanir 7 ára barns um lífið og tilveruna og hverni þetta fúnkeraði allt saman.

Ég ætla ekki að segja ykkur hvað ég grenjaði svakalega mikið þegar ég sá The Truman show, ég var farin að öskra í lok myndarinnar þegar hann ætlaði að sigla í burtu frá öllum en klessti á endanum á leikmyndina - enda var hann ekki út á rúmsjó, heldur í stúdíói í Hollywood.

Ennþá klikkuð?

bannað að stíga á línur...

2006-11-22T18:49:00.000Z

Muniði þegar maður fór í svona leik, og maður mátti alls ekki stíga á línur. Ég var algjörlega obsessed, og stundaði þetta í allmörg ár, alla leiðina frá grunnskóla Borgarness og út á tanga. Ég efaðist oft um eigin geðheilsu og taldi þetta vera mín fyrstu merki um alvarlegan geðsjúkdóm. Nú hin síðari ár hafa reyndar mun brenglaðri hlutir vanið sig við mig og ýtt enn frekar undir þann grun minn.... Ég er á allra síðustu vaktinni minni í Sóltúni og ég er í svona "bannað að stíga á línur" skapi. Búin að halda því núna í 2 klst og 54 mínútur. Og ég brosi út í annað í hvert sinn sem mér tekst að stíga ekki á línu. Er maður á mörkunum ;)

twenty five

2006-10-30T13:02:00.000Z

Takk fyrir kveðjurnar allir saman :) Átti mjög skemmtilegan dag.

strætó, bleikur augnskuggi og æla í rútunni :)

2006-10-28T16:00:00.000Z

mbl.is

2006-10-26T22:55:00.000Z

"Tvö umferðaróhöpp urðu í Borgarnesi í dag. Í morgun keyrði ökumaður bíl sínum út af vegi við klettjárnsreyki og er bíllinn ónýtur..." Klettjárnsreykir eru ekki í Borgarnesi og heldur ekki Kleppjárnsreykir ;)

kv. Smámunasami Nöldrarinn

Óskiljanlegt

2006-10-24T21:04:00.000Z

Af hverju eru svona viðbjóðslegir menn til í heiminum. Hversu sjúkir þurfa menn að vera til að vilja fremja nauðgun. Ég veit að það er góðs viti að ég skilji það ekki - ef ég myndi skilja svona verknað þýddi það að ég væri sjálf mjög sjúkur einstaklingur. En það er ekki hægt að stimpla öll ódæðisverk á sjúkdóma og segja að þetta fólk sé bara veikt. Nei. Það er til illa innrætt og vont fólk sem fremur glæpi og gerir sér fulla grein fyrir verknaðinum. Það vonar bara að það náist aldrei!

Eru ekki að koma kosningar? Upplagt fyrir alþingismenn að skeina sér duglega og leiðrétta þessi mistök sem gerð voru hér í den tíð þegar hegning fyrir nauðganir og kynferðisafbrot var ákveðin. Það bara hlýtur að vera hægt að gera eitthvað í þessu gott fólk!

Árið er 2006!

Reiðakolbrún

Kannski ekki...

2006-10-22T18:17:00.000Z

Tja! Kannski var myspace síðan ekki svo vitlaus eftir allt því núna hef ég lært aðeins inn á þetta myspace dót þá kemur í ljós að þetta er bara þrusu sniðugt. Þar er það nefnilega þannig að aðeins skráðir vinir geta lesið blogg og skoðað myndir ef maður stillir það þannig. Þannig að núna get ég farið að blogga þar um allt sem er óviðeigandi að setja hingað. Ég hef stundum verið að skrifa pistal og verið við það að missa þvag úr hlatri (já - það er svolítið mikið eg að hlægjaað mínum eigin bröndurum) og séð fyrir mér mína bestu vini lesa pistill og æla úr hlátri. En svo man ég að allir sem vilja geta lesið og sumt gæti misskilist í eyrum (augum) þeirra sem lesa - ef þeir ekki þekkja mig, sauklaus einkahúmor gæti hljómað sem argasta einelti, fordómar og ég veit ekki hvað og hvað. Nú veit ég alveg að það eru ekki ALLIR að lesa þessa síðu, en engu að síður miklu fleiri en ég veit um miðað við teljarann á síðunni og miðað við hvaðan úr heiminum lesendur koma. p.s. Núna er ég að reyna að þvinga ykkur i að búa til myspace síðu :) ALLIR AÐ BÚA TIL MÆSPEIS

Hvar endar þetta?

2006-10-16T21:45:00.000Z

Það ætlar að verða óyfirstíganlegur þröskuldur fyrir mig að hefja lestur af alvöru. Mér finnst frábært í verknáminu og svo frábært að ég er gjörsamlega með 100% athygli og einbeitingu á meðan á því stendur. Það gerir það að verkum að þegar heim er komið er ég gjörsamlega orkulaus. Þá reyni ég ýmist að fara út og anda að mér nokkrum litrum að hreinu flugvélabensínmenguðu lofti, eða legg mig í smá stund. Fyrri kosturinn hefur ekki virkað hingað til og seinni kosturinn endar alltaf með stÓÓÓÓrum slefpolli á koddanum og ruglástandi þegar ég loks vakna 3 tímum seinna.

Fáranlegast af öllu er samt að þegar ég vakna virðist ég engan drifkraft hafa til að demba mér í lesturinn - þá finn ég mér ýmislegt annað ónytsamleg til dundurs eins og að búa til myspace síðu sem er náttúrulega gjörsamlega, stórkostlega, algjörlega algjör vitleysa.

Svona er lifið.

Mottan

2006-10-11T19:56:00.000Z

Ætti maður að fara að safna í mottuna eins og Nórinn ? Við Heiðrún getum allavega ekki litið verr út heldur en hann - það er nokkuð sem er alveg á tæru.

Heiðrún - þetta er keppni! Sú sem vinnur þarf að borga bjórinn aaaaaallt kveldið ;)

byrjar vel..

2006-10-06T13:33:00.000Z

ég hefði átt að hrósa Október meira í síðustu færslu...hann heilsaði mér með viðbjóðslegustu niðurgangs og ælupest sem ég hef á ævinni fengið ... er maður farin að deila of miklu á internetinu finnst ykkur... en það er semsagt afstaðið og ég skal hlífa ykkur við smáatriðunum. Ég byrja á deildum á mánudaginn - kaldhæðninni samkvæmt byrja ég að sjálfsögðu á ristil og endaþarms skurðdeild! Það er vonandi að pyntingar mínar á vinum og ástvinum hafi borgað sig og ég sé fær um að setja upp eitt stykki nál þegar að því kemur ;)

Það sem þessi elska leggur ekki á sig...við vorum nýkomin heim eftir heimsókn i ísbúð og hann enn með fylla dollu af shake...ég fékk þessa snilldar hugmynd um að æfa mig að setja upp nál. 'i stuttu máli sagt endaði Arnar grænn í framan með sterílt vatn í æð í stað saltvatns, shakinn endaði í ruslinu og ég sofnaði skælbrosandi - ánægð með snilldarverkið.

Það er óhætt að segja að námið gerir mann nett geðveikan!

Október

2006-10-02T17:30:00.000Z

er loksins kominn. Það er merkilegur mánuður fyrir margar sakir...að sjálfsögðu ber hæst afmæli undirritaðrar sem verður með skemmtilegasta móti í ár og ykkur er boðið :D ...meira um það seinna.

Annað sem er skemmtilegt við mánuðinn er October fest - en ég hef alltaf misst af þeirri ágætu hátið því ég hef alltaf verið á leiðinni í próf mánudaginn eftir hátíðina. Að sjálfsögðu ætla ég að bæta mér missinn upp með þvi að halda fjórfalt upp á þessa hátið!

p.s. Arnar er brjálaður yfir því að hafa ekki fengið fleiri falleg orð í sinn garð fyrir símagjöfina

motorola Razr

2006-09-27T22:55:00.000Z

strákur biður stúlku um að sækja sig í skólann og skutla sér í vinnuna. Stúlka segir já og passar að vera kominn í góðan tíma til að strákur verði ekki of seinn i vinnuna. Stúlkan kemur 15 mínútum fyrir áætlaðan brottfaratíma. Stúlkan bíður og er alveg róleg. Stúlkan bíður meira og er ekki alveg róleg. Stúlka bíður fáranlega mikið og er allt annað er róleg - hún er tjúlluð. Stúlka hyggst hringja i strák en þá ákveður sími hennar að sýna á sér leiðinlegar hliðar. Stúlka heyrir aldrei neitt frá strák og eftir að hafa beðið í klukkustund keyrir stúlka af stað heim - tryllt úr pirringi. Þegar stúlka kemur heim ákveður sími að vakna til lífsins. Strákur hafði verið allt annars staðar að bíða og var þegar mættur í vinnu. Stúlka en enn tryllt úr pirring og kennir símadruslunni um. Simadruslan hafði orðið valdur að skilmysingi sem olli paraerjum. Þegar stúlka kemur heim úr ræktinni næsta dag bíður hennar nýr sími. Fallegasti sími veraldar. Stúlkan er ei tryllt lengur - heldur bara glöð :D þegar gsm símar eru farnir að valda erjum, nú þá er tími til að skipta um síma! p.s. þetta er 3. síminn sem ég eignast síðan 1998!

Takk Guð

2006-09-24T21:10:00.000Z

........Fyrir Grey´s Anatomy þættina.

hamingjan á ný

2006-09-24T17:58:00.000Z

Okei - ég lofa að hætta að blogga um svona ótrúlega leiðinlega hluti eins og próf. Málið er að ég bara svo sjálfhverf og vorkenni sjálfri mér svo mikið að mér finnst aðeins skárra ef þið getið vorkennt mér lika.

Nú eru 2 stór og 1 lítið próf af baki og já börnin góð, nú kann ég allt um Háls- nef - og eyrnalækningar....VOTT??? " ha nei" - ég kann ekki rass í bala...en á samt að vera búin með fræðilega partinn :)

Prófþjáningarsystur sjást hér á mynd, þær gerðu þetta bærilegra eins og alltaf. Svo og steiktur húmor Fjallsins sem gerir vart við sig seint á kvöldin á msn - það kemur mér alltaf til að grenja...úr hlátri.

Sóltún alla helgina = sleppa öllum partýjunum sem mér var boðið í...en þau voru öll svona tilefnisparty. Eitt var innflutningspartý, eitt var afmælispastý og eitt var brúðkaupspartýángjafatakkfyrirtakk. Ég komst ekki i neitt þeirra - en vona að allir hafi samt skemmt sér vel, en sjálfhverfa ég telur það frekar ólíklegt ;)

Yndislega Reykholtsfjölskyldan kom í stutt stopp áðan og Skírnir Ingi bræddi mig alveg - brosti frá fyrstu mínútu og fór aðeins að væla þegar Pabbinn ætlaði með hann út i bíl...Takk Skírnir - jú meid mæ dei :D

Já og svo heldur lífið áfram í viðjum lærdóms.......ó mig auma

Óléttan

2006-09-19T15:25:00.000Z

Virðist fara gríðarlega vel í vinkonur mínar. Allar eru þær gullfallegar jafnt að innan sem að utan, en þær ná nýjum hæðum með þessa bumbu framan á sér :) Þetta er núverandi fallegasta ólétta konan á Íslandi í dag! Þess má geta að ég er líka ó-létt......þ.e.a.s. ég er ekki létt því ég er búin að borða svo mikið nammi í þessar próftíð :D

Heiðursblogg

2006-09-16T15:48:00.000Z

Þessi elska er 24 ára í dag! Hún er útskrifuð úr háskóla með B.A. gráðu í Guðfræði- og trúarbragðafræði. Daman er nú orðin kennslukona í Grunnskóla Borgarness, þeirri virtu menntastofnun. Í frítíma sínum bjargar hún afvegaleiddum börnum Borgarfjarðarprestakalls inn á vegi trúarinnar í Sunnudagaskóla Borgarneskirkju.

Til hamingju með daginn elsku Heiðrúnin Mín :*

Á ég að segja ykkur brandara....?

2006-09-15T17:33:00.000Z

ég er í prófum

* anaNAnas *

2006-09-12T23:23:00.000Z

Mmmmmmhhh... hvað frosinn ananas er góður! Ég er í þessum rituðu orðum slefandi ofan á mjög svo óaðlaðandi meinefnafræði glósur.

Ef ég loka augunum fast og halla mér aftur í stólnum þá næ ég að ímynda mér að ég liggi í raun á unaðslegum hægindastól á sólarströnd og ljósið frá tölvuskjánum sé brennandi heit Miðjarðarhafssólin, og pappírarnir í fanginu á mér séu nýjasta tölublað Vouge. Frosinn ananasinn er svo að sjálfsögðu létt ananas lurkur frá emmessís!

Já lífið hefur upp á svo margt að bjóða!

5

2006-09-11T22:28:00.000Z

Eru í alvöru komin 5 ár síðan að ráðist var á World Trade Center !!! Finnst ekki svo langt síðan...Ég man vel eftir þessum degi. Ég var að vinna i Sparisjóð Norðlendinga og var að bíða eftir að komast í mat minnir mig (frekar en kaffi) þegar allt í einu allir ruku upp til handa og fóta og allir voru orðnir hissa og æstir áður en þeir vissu hvað hafði gerst. Man sérstaklega eftir krúttlegri gamalli konu sem var hjá gjaldkeranum hliðin á mér, hún var eh ringluð þegar viðskiptavinir SPNOR og starfsmenn voru hver í kapp í við annan að reyna að lesa af mbl.is og útskýra hvað gerst hafði - hún spurði hvort Tvíburaturninn væri nokkuð bygging í Reykjavík. Ég man líka að gjaldkerinn sem var að afgreiða hana sagðist bara ekki vera viss ;)

Og Georg Runni er ennþá við völd og ennþá asni !

Nei hættu nú alveg..

2006-09-09T00:51:00.000Z

ótrúlega óheppinn gaur!

Það er 7. september

2006-09-07T22:00:00.000Z

...og ég er dottin í prófstress. Þriggja vikna kúrs - 2 próf framundan og u.þ.b. milljón bls af lesefni..." neeeeiii nu ýkirðu Kolbrún!" .... já ég er að drukkna. Haust syndromið ógurlega svífur yfir vötnum. það er bara ekki leyfilegt og ekki hægt að vera komin í lesgírinn svona snemma í september. á svona dögum skipir öllu máli að eiga og skoða skemmtilegar myndir :)

Myndin er af nokkrum úr bekknum. Okkur fannst við eitthvað svo "dull" miðað við blindfulla og hressa 1.árs nema þannig að þessi mynd er feikuð! Sérstaklega hjá Brynju minni ;)

Yndislega Heiðdísin mín!

...átti afmæli og fagnaði hjúskaparstöðu sinni á viðeigandi hátt

bless og takk fyrir mig...allar góðar lestrahugsanir vel þegnar

ákvörðun

2006-09-03T21:34:00.000Z

Í gær fór ég í skemmtilegasta afmæli sem ég hef farið i á þessari öld. Gleðin og gítarinn, greipið og ginið. Og mikið var hausinn á mér feginn því í morgunsárið að hafa tekið skynsamlega ákvörðun í gær og sleppt "bænum". Bærinn er úti og ég vona að allir fari að fatta það svo það verði meira af svona sjúklega skemmtilegum heimapartýum í bráð. Ekki það að ég ætli í þau...nei þetta var mitt hinsta fyllerí á fjórða ári. Jú víst! Skynsama, morgunhressa, heilbrigða og lærdómsfúsa Kolbrún er vöknuð á nýjan leik eftir að hafa legið í dvala síðan í 6 ára bekk - þá datt ég sko aldrei í´ða.

Bara svona....

2006-08-31T16:36:00.000Z

...til að Helga Kristín tryllist ekki úr pirringi! Maður má ekki reita óléttar konur til reiði, best að hafa þær bara góðar :) Annars er það að frétta að ég hef stofnað samtök sem kallast "heim að sofa" . Starfsemin hófst um síðustu helgi og er markmið samtakanna að sækja fólk niður í miðbæ Reykjavikur sem af einhverjum orsökum kemst ekki til síns heims - oftast sökum ofdrykkju. Símatími er milli 2 og 5 aðfaranótt föstudags og laugardags og er einstaklingum algjörlega að kostnaðarlausu.

Til hamingu með Afmælið elsku besta Helga mín :) Þið Thelma eruð gördjöss á þessari mynd, það verður ekki af ykkur tekið ;)

2006-08-02T17:18:00.000Z

2006-08-02T17:16:00.000Z

2006-08-02T17:15:00.000Z

Okkur er farið að hlakka svo hrikalega til jólanna að við bara urðum að skreppa í jólahúsið

2006-08-02T17:14:00.000Z

skellt sér á hestbak í sveitinni, Arnari til mikillar gleði. Hann datt af í bæði skiptin!

2006-08-02T17:13:00.000Z

Hittum Frikka á Sigurrósar tónleikunum að Hálsi í Öxnadal. Hann var hress eins og sést

2006-08-02T17:12:00.002Z

2006-08-02T17:12:00.001Z

2006-08-02T17:12:00.000Z

2006-08-02T17:11:00.001Z

2006-08-02T17:11:00.000Z

Nýr hæfileiki

2006-07-20T17:37:00.000Z

Það er allt á fullu og ég elska það. Oft talar maður um að gera svo margt á sumrin, en í sumar hafa hlutirnir komist í framkvæmd og sem betur fer finnst mér ég búin að nýta sumarið i margt skemmtilegt. Í sumar hef ég uppgötvað nýjan hæfileika og um leið eignast nýtt áhugamál. Nýja áhugamálið mitt er stangveiðar (með sérstakri áherlsu á að VEIÐA). Þetta byrjaði allt þegar Arnar fékk nýja fluguveiðistöng í afmælisgjöf frá foreldrum sínum. Í kjölfarið á því gaf ég honum vöðlur og mamma og pabbi gáfu honum vöðluskó og fleira veiðidót. Hann varð náttla æstur í að fara að veiða og fyrst um sinn leist mér ekkert á blikuna. En eftir að hafa farið nokkrum sinnum með honum, er ég búin að komast að þvi að ég er þrusuveiðimaður og miklu betri en Arnar þrátt fyrir að ég eigi engar svona fínar vöðlur og þurfi því bara að standa á bakkanum og berja kríurnar frá með gamaldags non-fluguveiðistönginni hans Arnars. Eftir þessa fræknu veiðiför var haldið í Húsafell þar sem við hittum Möggu, Tomma, Tinnu og Bjarna. Þar var gert að fiskinum og svo drukkið til að halda sér hita! Næsta útilega var á Bakkaflöt í Skagafirði um síðustu helgi. Það var fjölskylduútilega sem þvi miður stangaðist á við "Sæl Vinkona" en ég mæti bara fersk þangað á næsta ári. Arnar var hrókur alls fagnaðar í hópsöng fjölskyldunnar um kvöldið og var farin að standa upp í lokin til að syngja "...er ég kem heim í Búðardal..." af mikilli list.

Sextándinn í myndum :)

2006-07-05T01:17:00.000Z

Fjórar saman :)

2006-07-05T01:14:00.001Z

Bjarni heillaði eldri dömurnar að vanda

2006-07-05T01:14:00.000Z

Skemmtiatriði 5 ára stúdenta að sjálfsögðu Omnya 621

2006-07-05T01:13:00.000Z

Tinna og Heiðdís ánægðar með skemmtiatriðin.

2006-07-05T01:12:00.001Z

Rúna og Lovísa

2006-07-05T01:12:00.000Z

Valla (með rós fyrir andlitinu), Anna Begga og Tóta...næstum í fókus

2006-07-05T01:11:00.001Z

Röggster, Jón Hafliði og Geir í 4.T fyrirpartý hjá Gunnu

2006-07-05T01:11:00.000Z

Hr. Myndarlegur

2006-07-05T01:10:00.000Z

Helga og Halldóra ánægðar með bjórinn sinn

2006-07-05T01:09:00.001Z

Sverrir, Eyrún og Benni

2006-07-05T01:09:00.000Z

gaman :)

2006-07-05T01:08:00.000Z

Eva og Eyrún

2006-07-05T01:07:00.001Z

ennþá prúðar og settlegar við borðið

2006-07-05T01:07:00.000Z

og það var sungið...

2006-07-05T01:04:00.000Z

Gunna, Dóra og Kolla í leigubílnum á leið í Höllina

2006-07-05T01:03:00.000Z

Sumarið í myndum

2006-07-05T00:31:00.000Z

Eftir að hafa skilað 50 bls ritgerð þann 6.júni byrjaði sumarið eins og áður sagði. Líklega er best að lýsa því í myndum ;)

Byrjaði á því að gæsa Thelmu litlu

Svo var hangsað á kaffihúsum með sæta manninum

Og farið norður á 5 ára MA reunion

Búin að...

2006-06-09T10:33:00.000Z

skila ritgerðinni
kaupa sófa
kaupa hillu
byrja að vinna
taka til
hitta bleikan beggodd frá Mehíkó
hitta Skírni Inga Hermannsson
fara í klippingu og litun

mmmmmhhh...sumarið mitt er byrjað :D

Heiðrún heim í dag og þá er allt orðið eins og það á að vera ;)

* G * L * E * Ð * I *

2006-06-04T13:50:00.000Z

Frábært kvöld í gær, sem hófst á Grilli hjá Haffa og Erlu

Sem varð hressara þegar á leið...

og klassíkin byrjaði

svo kíktum við á Reykjavík Tropic og þar urðu fagnaðarfundir

og hressleikinn jókst enn meir

og mér fannst greinilega krúsjal að vera inn á öllum myndum...

Jói Krói og Heiður voru líka mætt, en Heiður hljóp svo hratt að ég náði henni ekki á filmu

og búið :)

Tryllingur

2006-06-01T14:20:00.000Z

Öddi Hrekkjusvín er áttræður í dag! Örn hefur enn gaman af að hrekkja.Örn Guðmundsson, eða Öddi hrekkjusvín er áttræður í dag. Örn byrjaði ungur að hrekkja, fyrst með uppnefnum og hártogi - en færði sig síðar yfir í þróaðri stríðni s.s. að stinga af, fela skólatöskur og græta. Örn nam síðar lögfræði við Háskóla Íslands og átti farsælan feril sem innheimtulögmaður. Hann hefur unnið ýmis trúnaðarstörf fyrir Sjálfstæðisflokkinn. Örn heldur upp á afmæli sitt á dvalarheimilinu Hrafnistu og eru allir velkomnir - nema Pussi pungur, Jóna pissudúkka, Gúndi skrítni og Jói feiti, sem einnig eru búsett á Hrafnistu. Hvernig dettur Baggalútsmönnum svona hlutir í hug. Ég trylltist úr hlátri ein inn á skrifstofu og núna eru tár á greininni sem ég var að lesa...

Ritgerð.is

2006-06-01T09:29:00.000Z

Flutti fyrirlesturinn í fyrradag og það gekk bara stórslysalaust! Ánægð með að það sé frá, en núna er það líka ritgerðartranz fram á helgi...Lokaskilafrestur er til 7.juni en mig langar að reyna að klára aðeins fyrr til að geta átt allavega 1 dag í frí áður en ég byrja að vinna....OG ÞÁ BYRJAR SUMARIÐ OG ÞÁ MEGA ALLIR KOMA Í PARTÝ OG ÞÁ VERÐA ALLIR SVO BRÚNIR OG SÆTIR OG GLAÐIR OG HRESSIR :D Allavega ég ;)

Meðlagsgreiðslur frá Monakó!

2006-06-01T09:26:00.000Z

Mér finnst pínu fyndið að Albert fursti sé að súpa seyðið af gigaló dögum sínum núna. Í fyrra tilkynnti hann að hann ætti krakka með konu frá Afríku, og núna er það víst komið í ljós að hann á 14 ára stelpu í Bandaríkjunum....ég skal éta hattinn minn ef hann á ekki enn fleiri! Af hverju notaðirðu ekki bara smokkinn Berti minn!!!

Greyið

2006-05-25T11:05:00.000Z

Unnur Birna! Datt bara beint á andlitið í beinni útsendingu í gær. Nýbúin að þakka fyrir sig og segja okkur hinum hversu heppin við vorum að hún gæti verið á Íslandi ákkúrat nuna, "það er sko ekkert sjálfgefið því ég er alltaf útí heimi að sinna hinum ýmsu verkefnum"....Takk Unnur Birna! Æi ég fann samt bara til með henni! En hún er allavega sæt þrátt fyrir að vera klaufi :D

Nr 3

2006-05-23T23:27:00.000Z

Þá er það komið á hreint, ég er nr 3 í valröðinni fyrir verknám á næsta ári og þarf því að fara að ákveða mig hvar ég vil byrja í haust...Medicine (lyflæknisfræði) eða Kirurgia (handlæknisfræði)! Nú gerir vart við sig valkvíði á háu stigi.

Munið þið...

2006-05-23T15:36:00.000Z

Þegar ég veitti alltaf prik hér á síðunnu fyrir góða og slæma hluti? Nú verð ég að endurlífga þann lið á þessu bloggi og veita Drulluprik !!! Það er enginn annar er Li Quong Jo a.k.a. FRIÐRIK sem hlýtur þessi vafasömu verðlaun. Ég var farin að halda að þessu gaur væri í alvöru til. Þetta hefur haldið fyrir mér vöku og stuðlað að linum hægðum. Frikki ég finn þig í fjöru!!!

Jahá

2006-05-23T09:35:00.000Z

Ég ætlaði að sanna fyrir Heiðrúnu að hún hefði ekki verið Barney fyrir hreina tilviljun. Ég ákvað og prófa og bjóst kannski við Marge en nei tbody>You Are Mr. BurnsOkay, so you're evil... You have big plans to rule the world, and you'll destroy it in the process if necessary! You will be remembered for: the exploitation of the masses Life philosophy: "One dollar for eternal happiness? I'd be happier with the dollar."

The Simpsons Personality Test

Sunnudagar

2006-05-21T17:27:00.000Z

Mér leiðast sunnudagar. Ég er ekki einu sinni þunn en samt líður mér sunnudagslega. Alltaf svo mikil þögn.

Er farin að halda að djókið með kínverjann á kárahnjúkum sé bara ekki djók. . hver væri svona þolinmóður, búa til blogg og allt! Er allavega hætt að nenna að giska, þið eruð næstum öll jafn líkleg...

Langar að narta í kinnarnar á þessum tveim!

Nýr linkur

2006-05-19T12:12:00.000Z

Vinur minn hann Li Quong Jo er byrjaður að blogga. Li Quong eða Lilli eins og ég kalla hann er hress strákur sem vinnur á Kárahnjúkum. Hann elskar Westlife og er líka mikill Nylon aðdáandi. Endilega kíkið á kauða og kommentið:)

p.s. Ætlar enginn að fara að gefa sig fram???

mwa

2006-05-17T15:23:00.000Z

Koss til ykkar allra...

vegna þess að ég er í sumarskapi...

vegna þess að ég hlakka svo til að klára þessa ritgerð og hlaupa frjáls inn í sumarið...

vegna þess að ég hlakka svo til að fara norður í kringum 17.júni og hitta alla..

vegna þess að ég hlakka svo til að eiga mitt fyrsta sumar hér í Reykjavík MEÐ Arnari, en ekki með hann á hinum enda landsins...

vegna þess að ég hlakka svo til að hitta Halldóru og Hemma og þeirra yndislega fallega son oft í sumar þar sem þau eru flutt í Borgarfjörðinn...

vegna þess að þessar tvær á myndinni koma loksins til landsins...

Vegna þess að ég ætla að vera dugleg að hitta alla fjölskylduna og alla vinina miklu meira en á veturna..

;)

Tyson tryllir lýðinn

2006-05-15T13:53:00.000Z

Shit hvað þetta gæti orðið fyndið:) Til lukku Arnar og til lukku Mæja með að vera búin með prófin!